පරිත්‍යාගශිලි බව අතින් මුළු ලෝකයෙන්ම 8 වන ස්ථානය ශ්‍රී ලංකාවට.


බ්‍රිතාන්‍ය පදනම් ආයතනයක් වන Charities Aid Foundation (CAF) පදනම සිදුකල කල වර්ගීකරණයකට අනුව 2015 වසරේ ත්‍යාගශීලිබවින් යුතු රටවල් අතර මුළු ලෝකයේම 8 වන තැනට පැමිණීමට ශ්‍රී ලංකාව සමත්වී තිබෙනවා. රටවල් 145ක් ඇසුරෙන් සිදුකෙරුණු මේ සමීක්ෂණයේ දී සැලකිල්ලට ගැනෙනුයේ රටක ජනතාව අනුන්ට උදව් කිරීමට ඇති පෙළඹීම , ඒවගේම මුල්‍යමය ආධාර ලබාදීම සහ ස්වේච්චාවෙන් සේවය කිරීම වැනි කරුණු ය. පසුගිය වසරේ මේ වර්ගීකරණය යටතේ ශ්‍රී ලංකාවට හිමි වී තිබුනේ 9 වන ස්ථානයයි. මේ වසරේ දී තවත් එක් ස්ථානයකින් ශ්‍රී ලංකාවට ඉදිරියට ඒමට ලැබීම සතුටට කරුණක්.

මේ වර්ගීකරණයට අනුව මියන්මාරය ඉදිරියෙන්ම සිටින අතර, පිලිවෙලින් ඇමෙරිකාව, නවසීලන්තය , කැනඩාව, ඕස්ට්‍රේලියාව , සහ එංගලන්තය දෙවන, තෙවෙනි , සිව්වෙනි , පස්වෙනි ස්ථාන හිමිකරගෙන තිබෙනවා. පරිත්‍යාගශීලින්ගේ ලැයිස්තුවට අනුව නම් එහි අන්තිම ස්ථානය හිමිවී තිබෙන්නේ බුරුන්ඩි රාජ්‍යටයි. ඒවගේම චීනය , යේමනය, ලිතුවේනියාව වගේ රටවලුත් මේ අතර වනවා.

ලංකාව තුල අසරණයින්ට පිහිට වීමේ ප්‍රවනතාව 60% ක් පමණ වන අතර ස්වේච්චාවෙන් සේවය කිරීමේ ප්‍රවනතාවය 48%ක් පමණ වෙනවා. අපගේ අසල්වැසි රට වන ඉන්දියාවට හිමි වී තිබෙන්නේ 106 වන ස්ථානයයි. පාකිස්තානය 84වන ස්ථානයේත්, නේපාලය 76වන ස්ථානයේත් භූතානය 17ත් වන ස්ථානයේත් පසුවෙනවා.

මේ සමීක්ෂණයේ දී සොයාගැනුණු තවත් අපුරු කාරණයක් වන්නේ අසරණයින්ට මුදල් ලබා දී පිහිටවීමේ වැඩි ප්‍රවනතාවයක් දක්නට ලැබෙන බවත් ඒ වගේම ස්වේච්චාවෙන් සේවය කිරීමේ ප්‍රවනතාවය තරමක් මද බවක් පෙන්වන බවයි. ඒ වගේම කාන්තාවන්ට සාපේක්ෂව පිරිමින් මුදල් පරිත්‍යාග කිරීමේ වැඩි ප්‍රවනතාවයක් දක්නට ලැබෙන බවත් දැනගන්නට ලැබෙනවා.

උපුටාගැනීම

log in

reset password

Back to
log in